DA, MAYRA!
Characters:
Samantha
Samara
Samuel
Samantha: Hay, salamat. Nahuman na gyod intawn
atong gipang-andam nga mga pagkaon para sa atong surprise nilang mama ug papa
para sa ilang anniversary. After three hours, kompleto na gyod ang putahe nga
atong giandam.
Samara: Sakto gyod ka, Samantha. Gikapoy baya
gyod ko aning buhata, pero para nilang mama, ako gyong giantos ang kakapoy.
Samantha: Ang cake pud nga atong gihagoan, na-bake
na gyod. Heart pa baya gyod ang porma ani. Chocolate pa gyod. Ug ato na sab
na-design-an og mga icing nga mga buwak. Puwede na god ko makapahuway. Salamat
intawn.
Samara:
Bitaw. Lami baya gyod kaayo na nga cake tungod kay naa gyod ang sugar, spice,
and everything nice. BAKED WITH LOVE pa gyod na. Kana baya gyod ang HEART AND
SOUL sa atong surprise para nila karon. Di gyod na puwedeng makaon sa laing
tawo. O, sige, Samantha. Moadto usa
ko sa sala, mopahuway usa
ko. Total naluto na man ang mga pagkaon ug naa na nabutang sa lamesa, taboni na
lang na aron dili langawon. Mopahuway usa ko. Okey?
Samantha: Oy, oy, Manang Samara! Unsa’y gikapoy ka?
Ayaw gyod pag-iningon ana. Kita bayang duha ang nagluto, ha. Kon gikapoy ka,
gikapoy sab ko. Ika’y tabon sa mga pagkaon. Mopahuway sab ko.
Samara: Ayaw kuno paggara-gara diha,
Samantha. Taboni na. Ug ayaw’g sunod nako sa sala.
Samantha: Bahala diay ka. Mopahuway sab ko, uy. Ikaw ra’y gikapoy, ha. Ikaw ra? Baya. Ay.
Naa ra ang sofa, molingkod na ko. Hay, kahumok sa among sofa. Mao ra og mga
balhibo. Haaa-
Samara: Kagahi ba gyod nimo, Samantha. Naabot
na lang gyod ta sa sala, nakalingkod na lang ka diha sa sofa, wa pa gihapon ka
naminaw nako. Balik kuno didto.
Samantha: Di ko! Kitang duha’y tabon. Kagaan ra
anang buhata, ah. Ako pa gyod imong patabonon. Seys!
Samara: Gaan gani, maong ikaw na la’y tabon.
Samantha: Di. Ko. Maglingkod na lang ko diri. Maayo
na kaayo ni akong puwesto, o. Nakasandig na ko sa sofa.
Samara: Aw, sige. Anion na lang ni nato aron
maghuman ta. Mag-contest tang duha. Kon kinsa ang unang’ moistorya, siya’y
motabon sa mga pagkaon. Sugot?
Samantha: O, sige. Go!
(Speak through their mind)
Samara: Sus baya aning Samantha, uy. Kapila
ra gyod anang tabon, di pa gyod kabuhat. Isugo pa gyod. Pastilan. Pagkatapolana
gyod bayhana. Ang mata baya, kalugwaon. Maka-head to foot, mao ra’g wa na’y
ugma.
Samantha: Kani gyod si Samara, grabeeeeeng
katapolan. Hasta pagtabon sa pagkaon, di gyod mabuhat. Di gyod mosugot sugoon.
Pastilan. Mata lang, ay. Nagsiga. Makatutok, wagas.
Samara: Aba.
Wa gyod moistorya, o. Huh. Nagtuo siguro ni siya nga mosuko ko ay. Di gyod ko
papildi aning akong kaluha. Siya gyod ang makatabon sa pagkaon.
Samantha: Istorya na, Samara. Ikaw ra gihapo’y
mag-antos. Di gyod ko moistorya. Bahala ka, kaluhaa ka.
Samuel: Hi, mga Sisters! Musta you? K ra you? Yow?
Samantha: Bahala ka diha, Samuel. Di gyod tika
tubagon. Di ko palabot nga mapildi ko aning Samara kon moistorya ko.
Samara: Hello na lang diha, Samuel, pero di
ko puwedeng mapildi aning Samantha.
Samuel: Wa’y tawo? Wa lagi’y motubag? Yuhoo?
(Silence)
Samuel: Ayo! Palit ko’g ice!
(Silence)
Samuel: Ay, ambot ninyo! Mao ra man mo’g mga
amang. Naa man unta mo’y mga dila, di man mo maningog. Bahala mo, uy. Gigutom
ko. Moadto ‘sa ko’s kusina.
(Speak through their mind)
Samara: Hala, patay. Kaonon to ni Samuel ang
mga pagkaon sa lamesa ron. Para baya to nilang
Mama. Na, unsaon na man ni ron? Istorya na diha, Samantha. Badlonga si Samuel.
Samantha: Aguy! Kani gyod si Samuel. Pahamak. Kon
mokaon baya ning tawhana, hurot gyod tanang pagkaon. Di gyod lung-an basta naa
pa’y mahabilin. Hoy, Samara! Kihol na diha. Badlonga si Samuel.
Samuel: Oy! Daghana’g pagkaon da. Naa’y
pansat, hmm, kadagko. Naa’y humba, uy pinakupsan. Naa’y danggit, shocks,
giprito. Naa’y usa
ka bandehadong kan-on. My peyborit. (Puzzled)
Hala! Ngano diay ni? Wa man unta’y nag-birthday. (Talks to himself) Pangutan-on kaha nako akong mga Sisters. (Yells) Mga Sisters! Unsa’y okasyon?
(Silence)
Samuel: Ay, ambot uy. Di manubag. Mao ra’g
mga wa’y baba. Bahala mo, uy. Mokaon ko. Gigutom ko. Paniudto na. Bantay
bitaw’g badlongon ko ninyo ha. Anha ra mo mangistorya kon mokaon na ko.
Magsugod na ko’g kaon!
Samantha: Patay. Kalimota baya namo’g ingon aning
Samuel nga anniversary nilang Mama ug Papa. Di baya gyod ni kahinumdom sa mga
okasyon. Hasta sa iyang birthday. Hurot gyod ning mga pagkaon ron. Grabeha baya
gyod ani niya mokaon. Baboy baya gyod. Hoy, Samuel. Para
na nilang Mama’g Papa. Anniversary nila karon. Kalabaaaaaad gyod nimo, Samuela
ka.
(Samuel adlibs)
Samara: Mao ra man ni’g wa’y kaon si Samuel,
uy. Puno kaayong baba. Wa’y puangod makahungit. Naa pa’s kamot. Naa pa’s
kutsara. Naa pa’s tinidor. Hoy, Samantha. Badlonga na si Samuel.
Samantha: Katunga na man lang tawn na ang
nahabilin, uy. Hunong na diha, Samuel. Maluoy ka. Para
na nilang Mama ug Papa.
(Samuel burps)
Samuel: Ay, excuse me. Hehe! Grabe. Busoga
gyod nako, mga Sisters! The best gyod inyong mga luto, uy. Anak gyod mong Mama.
Lami kaayo makada’g luto.
Samara
& Samantha: O, bitaw Samuela ka. Anak
gyod ming Mama. Ikaw, anak sab kang Papa. Mao ra gyod ka’g nalawgan da. PG.
Patay gutom.
Samuel: Thank you for the food, mga Sisters!
Uy, naa pa’y cake. Kaonon ko ni-
Samantha: (Shouts)
Samuel! Ayaw!
Samara: Yes! Daog ko. Miistorya ka.
THE END
-Jave A. Matugas-
December 15, 2012
This story is inspired to the story of the newly wedded husband and wife who do not want to close the door of their house.