Matag Gutlo

Sukad nga king tigsuwat nahimugso

Tukmang kalipay, kaninyo mibutho

Batang babayeng resulta sa inyong panaghiusa

Jave ang gingalan ninyo kaniya

Karon ang batang babaye nagsulat

Mensahe alang kaninyo, unta madawat

Sulod adto mao ang naa sa iyang dughan

Mga pulong nga dili gyod ninyo madunggan

Ma ug Pa, salamat sa sakripisyo

Dugo ug singot, gipagawas ninyo

Aron saktong pagdako ug igong pagkat-on

Ang kanakong inyong anak akong maangkon

Sa paglabay sa mga katuigan

Pagmahal nga wa’y sama, akong nabatyagan

Sa pamulong di man ninyo masulti

Apan Ma ug Pa, kana akong nabati pirmi

Salamat gyod sa tanan

Sa kalipay, sa kagul-anan

Sa inyong sobra nga pag-antos

Ang pagtinarong, akong ikabalos

Paminaw gyod, Mama ug Papa

Madunggan kini ninyo, panagsa ra

Tungod sa hilabihan ninyong pagpangga nako

Pagmahal sa usa ka anak, alang lang ninyo matag gutlo

-Jave A. Matugas-

December 17, 2012