Ang Akong Unang Balak (My First Cebuano Poem)

ELPEDIO “ELLY” AUGUSTO

"Ang akong nag-inusarang apong' gwapa"


Likod ning katawa ug pahiyom
Anaa ang kaguol nga giluom
Tungod sa paglakaw mo ug pagbiya
Atong pamilya, di na gyod ingon ang pagmaya

Lolo, sukad sa pagkahanaw mo
Kasingkasing ko, ingon og nangabubho
Sa mga apo nga aduna pa’y kalipay
Tungod ilang lolo anaa pa sa ilang banay

Sakit nga handomon nga ikaw wala na
Kon akong mahunahuna, panahong’ gikuyogan ta
Hapdos sa pamati, sakit sa paminaw
Balatiang mitungha, magwagtang mao ikaw

Kon ako hatagan og usa ka tsanse
Ikaw gyod, Lolo ang akong isulti
Nga kita sa panimalay, magkauban
Balikon tanang katawa ug tanang gisaw-an



Jave Augusto Matugas
August 15, 2012